Sverige

Hej.

Smá fréttir af okkur í Svíþjóð. Erum komin með bílinn og búslóðina og búin að koma okkur þokkalega fyrir.

Hér er allt á kafi í snjó og var alveg upp í 17 - 18 stiga frost fyrstu dagana. Hitastigið þessa dagana er svona 1 - 3 stiga frost og spáð er snjókomu, svo veturinn verður víst hér eitthvað lengur. Einn nágranninn, eldri en tvævetur, segir okkur að það séu 6 vikur í vorið.. svo það fer nú að hlýna hjá okkur.

Strákarnir taka þessu bara nokkuð vel, með smá undantekningum :) .. enda búið að vera ansi mikið ys og þys fyrstu vikuna. Ísak Árni er eins og prentsmiðja, teiknar og litar Disney fígúrur út í eitt og hengir upp um allt hús. Brynjar Páll lætur kassana soldið fara í skapið á sér, gengur á þá og rífst við þá :) Sérstaklega þegar eitthvað nýtt kemur á stað sem hann var kannski vanur að hafa ekkert á. Sérstaklega var hann fúll þegar búslóðin kom, við settum hann út að sofa rétt áður en gámurinn kom og þegar hann vaknaði var allt á rúfi og stúfi.. hann var ekki mjög ánægður með það.

Hverfið virkar mjög skemmtilegt. Fullt af krökkum hér í nágrenninu, nágrannarnir mjög vingjarnlegir og MOLLIN eru æðisleg :) Verðlagið er líka nokkuð hagstætt, þrátt fyrir gengið og verður enn betra þegar sænsk laun fara að tikka inn.

Húsið stóðst alveg okkar væntingar og þegar við verðum búin að koma okkur alveg fyrir, þá verður þetta bara ansi fínt allt saman.

Okkur líst því bara vel á þetta allt saman. Helga og Sturla, sem eru búin að hjálpa okkur rosalega fyrstu vikuna, fara heim á morgun og þá er einnig mesti asinn búinn. Við setjum svo inn myndir á heimasíður strákanna og jafnvel á facebook við tækifæri.

Svo erum við komin með sænsk gsm númer, en heimasíminn bíður. Númerin eru 0046765673402 hjá mér og 0046720477946 hjá Margréti.

Knús á línuna.

Jói, Margrét og strákarnir.

6. February 2010 - 15:09

Athugasemdir

Skrifa athugasemd