Jæja, nú er pabbi loksins farinn að gera eitthvað hérna á síðunni hjá mér eftir alltof langa pásu. Nýjar myndir eru væntanlegar af mér og litla bróður mínum sem ég eignaðist fyrir 2 vikum síðan.

Það er búið að vera rosalega gaman hjá mér síðan Atli Viðar, litli bróðir minn, kom í heiminn. Mér finnst rosalega vænt um hann og ég hlakka mikið til þess að fara að leika við hann þegar hann er aðeins farinn að stækka.

Svo er ég að fara í sumarbústað á eftir með ömmu Möggu og afa Sissa þannig að það verður alveg rosalega gaman hjá okkur um helgina. Sjáumst seinna, bless bless!