GAMAN AÐ SJÁ ÞIG OG VERTU VELKOMIN(N) Á HEIMASÍÐUNA MÍNA
Nei, við erum ekki búin að loka síðunni!
Endilega kvitta í gestabókina
Vanti þig lykilorð geturðu sent póst á aat2@hi.is eða sigurdur@umfi.is
TIL ÞÍN
Áður en þú varst til þráðum við þig.
Áður en þú komst í heiminn elskuðum við þig.
Áður en þú hafðir lifað eina stund hefðum við fúslega dáið fyrir þig.
Þú ert kraftaverk lífsins.
Takk fyrir að vera til.
Ég heiti Ernir Daði Sigurðsson og er fæddur þriðjudaginn 05.06.07, eða 5. júní klukkan 2:50. Mér lá mikið á að komast í heiminn enda mamma á leið til hvílu um miðnætti þegar hún áttaði sig á því að eitthvað gæti hugsanlega, e.t.v., mögulega, kannski farið að gerast og Bingó, innan við þremur tímum síðar var ég mættur :)
Ég vó rúmar 14 merkur eða 3.560 grömm og mældist 52 cm að lengd. Ég er fyrsta barn foreldra minna þeirra Aldísar Örnu Tryggvadóttur (1981) og Sigurðar Guðmundssonar (1979). Mamma og pabbi eru óendanlega stolt af mér og elska mig meira en allt í lífinu. Ég nýt þess svo sannarlega að baða mig í aðdáendaljósi þeirra
Nafnið mitt þýðir ,,hinn dáði konungur háloftanna" en Ernir ákváðu mamma og pabbi alveg sjálf en Daði ákvað einhver annar því það kom svo sterkt upp í hugann á mömmu þegar hún fékk mig á bringuna aðeins nokkurra sekúndna gamlan. Annars er ég ennþá kallaður Litla kúts, hnoðrakollur, litla músiiii, Sperrileggur, gullklumpur, Siggi djún, litla ljósið, augasteinninn og bara name it!
ÞAÐ LÆRA BÖRN SEM ÞAU BÚA VIÐ
Það barn sem býr við hnjóð, lærir að fordæma.
Það barn sem býr við hörku, lærir fólsku.
Það barn sem býr við aðhlátur, lærir einurðarleysi.
Það barn sem býr við ásakanir, lærir sektarkennd.
Það barn sem býr við mildi, lærir þolgæði.
Það barn sem býr við örvun, lærir sjálfstraust.
Það barn sem býr við hrós, lærir að viðurkenna.
Það barn sem býr við réttlæti, lærir sanngirni.
Það barn sem býr við öryggi, lærir kjark.
Það barn sem býr við skilning, lærir að una sínu.
Það barn sem býr við alúð og vináttu, lærir að elska.