Forsíða Vefdagbók Myndaalbúm Myndbönd Ættartré Tannspjöld Fyrstu árin Fleiri markverðir hlutir fyrstu árin Gestabók

 

 

Nýjar myndir seinnipart 2011 settar inn 17. janúar. Gullmolinn okkar nú orðin fjögurra ára. Það hefur margt gerst á þessum fjórum árum, til dæmis hefur lengdin tvöfaldast og nú er svo komið að rökhugsun þróast hratt með skemmtilegum pælingum. Til dæmis tilkynnti hún það að hún ætlaði ekki í fjögurra ára skoðunina, það væri stingusprauta í henni. Af hverju heldurðu það segi ég? ...við ræddum það krakkarnir á leikskólanum! Hún tilkynnti okkur líka að langamma sín ætti heima í gamla daga, nú segi ég, já - og allt hitt gamla fólkið. Og svo álítur hún að guð sé dáinn af því að hann fékk ekki nóg að borða, það eru líklegast leyfar desemberboðskapsins þegar aðeins var reynt að útskýra misskiptinguna í heiminum. Hún fann það sem út um daginn að Guð væri að henda litum, þá sprakk raketta. Er þetta ekki dásamlegt?

Eftir mikla baráttu gegn barnaheimasíðum hef ég (Helga) gefist upp og ætla hérna að halda úti mynda og atburðasíðu fyrir Emblu Maríu. Ég geri nú ekki ráð fyrir sérstökum innleggjum frá Ævari en hver veit... hann verður þó hafður með í ráðum. Tilgangurinn er nú fyrst og fremst að halda öllu til haga, ásamt því að gleðja vini okkar og ættingja sem ekki hafa tök á að fylgjast með í eigin persónu. Lykilorðið er nú samt ekki til að útiloka neinn, aðallega bara til að vita hverjir eru að fylgjast með okkur svo ekki vera feimin/n að óska eftir því. Embla María fæddist 2.janúar 2008 og hefur fátt annað gert en að gleðja okkur síðan þá. Ákveðinn lítill stuðpinni, dóttir okkar, Helgu Sigurrósar og Ævars Rafns