Þá skall 18. júní í garð. Mamman var orðin ansi þreytt á kúlunni sinni og var að vonast til að litli kútur færi nú að láta sjá sig. Fjölskyldan fékk sér góðan göngutúr þann 17. júní og farið var í kaffi til Margrétar. Þar sem við gerðum þessa hluti einnig daginn áður en Brynja fæddist taldist líklegt að drengurinn mundi koma 18. júní, viti menn kl 06 vaknaði mamman við það að vatnið var farið að leka hægt og rólega. Margrét frænka var komin til að passa um kl 07 og lögðum við af stað niður á deil kl 07:30. Þegar þangað var komið var mamman skoðuð, hún fékk sér morgunmat og pabbinn líka. Svo voru skötuhjúin sett inn í fæðingarherbergi og þá byrjuðu hlutirnir að gerast. Mamman fékk glaðloftið sem hjálpaði henni mikið, það var það mikill kraftur á glaðloftinu að eitt skiptið þegar ljósmóðirin kom inn spurði mamman "varstu hérna áðan eða ertu að koma bara núna" mamman var orðin vel rugluð af glaðloftinu. kl 11:30 fæddist svo litli drengurinn sem var 16 merkur og 51 cm eða 4077 kg. Þegar við ætluðum að taka myndir áttuðum við okkur á því að myndavélin var ónýt, týbískt en við náðum nú að taka myndir á síma mömmunnar, en hann var að verða batteríslaus sem er jú ekki í fyrsta skiptið, en einhverjar myndir náðust af litla prinsinum.
Þegar hringt var í ömmuna á Akureyri fengum við þær fregnir að hún var komin til Reykjavíkur, hún tók fyrstu vél suður þegar við létum hana vita kl 07:30 um morguninn að við værum á leið upp á fæðingardeild.
Foreldrarnir hvíldu sig upp á hreyðrinu til að verða 17 um daginn og þá drifu þau sig heim, því þau vissu að Nökkvinn var orðinn spenntur, þegar heim var komið hljópa hann út í bíl til að kíkja á litla bróður. Hann var svo ánægður með litla kút.
Brynjan var eitthvað feimin í fyrstu en svo skipti hún sér ekkert af litla bróður í fyrstu.
