VELKOMIN Á SÍÐUNA OKKAR!
VIÐ ERU SYSTKINI EÐVARSBÖRN!
Lítill prins kom í heiminn 9.maí 2007 klukkan 14:45, og var 4.360 gr eða 17,5 mörk.....ótrúlega stór og flottur strákur!Fæddist á Akranesi og það var hún Birna sem tók á móti.
Lítil prinsessa kom í heiminn 22.apríl 2009 klukkan 17:52 og var hún 4.385 gr og líka um 17,5 mörk........og auðvitað líka stór og flott prinsessa! Fæddist á Akranesi og það var Dóra Lára sem tók á móti.
Mamma okkar heitir Dagný Pétursdóttir (´82) og pabbi okkar heitir Eðvar Ólafur Traustason (´78) .
Þau eru svo ótrúlega ánægð með okkur og elska okkur út af lífinu!
Amma okkar og afi mömmu megin heita Fjóla og Pétur, svo á mamma eina systur sem heitir Elva og hún á mann sem heitir Andri og þau eiga strák sem heitir Aron Emil, já og svo eiga þau hundinn Heru. Mamma á líka einn bróðir sem heitir Bjarki. Mömmu megin á ég eina langömmur og einn langafa.
Amma okkar og afi pabba megin heita Eva og Trausti, pabbi á eina systur sem heitir Thelma og einn bróður sem heitir Jói. Ég á eina langömmu og einn langafa pabbamegin.
Eins og þið sjáið erum við voða rík!
Systkinin eru fædd í nautsmerkinu.
Foreldrar barns í nautsmerkinu þurfa að vera næm á mikla þörf þess fyrir snertingu. Þetta eru bestu knúsarar í heimi. Besta aðferðin til að ná til lítilla nauta er að höfða til skynsemi þeirra og tilfinninga. Elsku litla stelpan mín, viltu gera þetta fyrir mömmu?? Fá naut standast nefnilega blíðu. Þægindi er eitthvað sem nautið vill. Notalegt herbergi þar sem hvorki er of heitt eða kalt, bragðgóður matur, falleg leikföng er eitthvað sem fellur nautinu í geð. Börn í nautsmerkinu eru frekar róleg og friðsöm og yfirleitt fer kannski lítið fyrir þeim. Það borgar sig ekki að reka á eftir þeim með hluti því þau vinna á sínum eigin hraða, sem er annar en gengur og gerist. Nautið er með báða fætur á jörðinni og vill vera öruggt um að hvert skref sem stigið er sé rétta skrefið. Ef rekið er á eftir því verður það óöruggt. Það borgar sig ekki til að fá litla bolann til að hlýða með skipunum eða skömmum því nautin eru þrjósk með eindæmum og sá eiginleiki sýnir sig vel þegar slíkt er reynt. Það getur verið erfitt að eiga við nautsbarnið þegar það hefur bitið eitthvað í sig og heimtar eitthvað sem gengur þvert á vilja foreldranna. Best er þá að setjast niður með bola litla og reyna að útskýra af hverju betra sé að gera þetta eða hitt, þ.e. höfða til skynseminnar. Rökin þurfa að vera skynsamleg og nautið þarf að fá tíma til að hugsa málið. Ef nautið er af rólegu gerðinni er vissara að ræða reglulega við það og fá það til að tjá sig og vinna þannig hægt og sígandi gegn feimni þess og hlédrægni. Naut þarfnast þess að vera í öruggu umhverfi og vita við hverju er að búast þannig að mikilvægt er að foreldrar séu sjálfum sér samkvæmir gagnvart því!